Nait veul veranderd

Wij binnen soamen met nog vaaier anderen oprichters van e keet ien Lutjegast. Nou hebben we, ien t volste vertrouwen, ons sleutels overdroagen aan een ander groepke jongens. Op een goeie oavend hadden we zo'n vatteg, viefteg uutgoande jongeren ien e keet. Al gauw kwoamen er groode verhoalen deur t dörp. Volgens sommige inwoners kwamen er geregeld groode drugsbaronnen op bezoek en gingen we op e knijen weer noar huus. De keet sol 'verboden moeten worden' zeeden dizze luu. Zulf binnen ze nooit ien onze keet west, 'die muziek allenig al' zeeden ze. In die tied was er gien ontmoetingsplak ien t dörp. Het idee om een keet te begunnen was dan ok vrij logisch. Een plek, ien eerste instantie, veur de jeugd van Lutjegast. We hadden nait verwacht dat er zo snel ok jeugd uut Doezum, Groodegast en Marum sol kommen. Het was drök, moar wel gezellig. Het ging ons nait om het comazuupen en de vrouwtjes. Het ging om plezier en gezelligheid. Ien de keet binnen veul kameroadschappen ontstoan, want twee joar geleden kenden wij de helft nog nait woar we nou bevriend met binnen op facebouk. Dat de keet zo'n succes werd hadden we nooit docht Moar zo goan zukse dingen nou eenmoal. De keet en de sfeer is er nog steeds. We stoan er nou zo'n twee en half joar. Keettochten werden ok geregeld holden. We begonnen dan ien Visvliet, gingen dan eemen langs die van ons en trapten dan op de fiets deur noar Eesterweg. Dat je een keer nait met je olders thuus veur de tv zaten was al heul wat. Je wadden ien een groep met dezelfde streken. Heimwee noar huus kreeg je nait want je had genoeg om te proaten wat je thuus nait veul deden. We hadden wel verhoalen veur thuus, moar dat werd ien de keet pas besproken. Nou heur ik joe denken 'Wat een jeugd, wij woaren vroeger om twaalf uur al thuus'.
Groot geliek, moar dit soort taferelen binnen er altied al west. Denk moar aan de boten die noa de oorlog tussen het riet verstopt lagen bij de brug. Rond een uur of tien werd door vroeger heel wat zopen. Was het gain Jonge Kloare dan was er wel Olle Kloare. Doar zaten ze dan met vief man ien een bootje. Er werd over van alles en nog wat proat. Verhoalen over het boerken, op veziede bij grootmoe of het eten thuus. De jeugd zat doar zunder ouders en dat beviel ze wel. Noast de bootjes kwam het ook geregeld veur dat ze ien e kroeg zaten of bij één thuus. En niet thuus bij pa en moe, moar ien e schuur noast t huus. Radiootje aan, afgestemd op een ether piraat en onder het genot van een Amstel of een Heineken werd de week nog eens deur proat.

Lammert Jan Broekema & Jan Medema