Rommelmaarkt

Elk joar ien september is er rommelmaarkt ploats. Heul t dörp is ruum veur de start aanwezig. Minsen moeten achter t lint wachten en zodra t deurknipt is, vlugt elkeen noar zien plakje toe. Ien elke hoek staait weer wat aans. Van schutteltjes en pannen tot stereotorens en örgels. De rommelmaarkt ien Lutjegast het t alpmoal. Juust de jongere doelgroep willen we ien dit stukje noar veuren brengen. Al fietsend noar de maarkt toe kommen je al jeugd tegen met groode tassen gevuld met spullen. Allenig mor rommel. Onderwegens fietste ik (Jan) langs n poar huuzen en bij één van die huuzen stond moeke ien e deuropening en had n stevige gesprek met heur zeun. t Werd de vraauw alpmoal eefkes wat te veul.

?EUR~?EURTMMoeke, ik goa nog eefkes weer henne!?EURTM?EURTM zee de jongen.

?EUR~?EURTMDoe gaaist hielmoal naargens henne, doe bliefst mor thuus. Moest es kieken wat veur rommel dastoe al kocht hest!?EURTM?EURTM

?EUR~?EURTMDat heurt ok bij n rommelmaarkt moe!?EURTM?EURTM

En de jongen fietste van het aarf oaf en ree weer richting rommelmaarkt. Moeke kwoad toe huus ien en ging verder met t koken van het middageten. Toen ik die leeftied had, dee ik dat ok wel. Veural rond n bepoalde tied, as je n deus veur twee euro kopen konden en doar van alles ien mieteren konden. Het mooiste was nog dat diezulfde dag de helft van de aankopen votgooit werden ien e kliko. En de ander helft? Die werd n joar loater weer bie de weg zet om verkocht te worden op de maarkt. Zo kwam het ok veur dat ik drie dingen kocht, die mien olders eerdoags bij de weg zet hadden. Ach ja, je bennen jong en alles onner n euro was eileks vergeefs.

Leste keer gingen wie met zien baaiden noar rommelmaarkt. Van te veuren hadden we òfproat dat we doar niet laang blieven zollen. En dat gebeurde ok. Noa tien minuten struunen stonnen we al bie de gehaktbalkroam. n Ritueel veur de minsen die niet t verkeken hemmen op de rommel. Doar tref je ok meestal dezulfden klanten en doar proat je dan wat met. Toen de gehaktbal op was, stapten we weer de fiets en vot weer noar huus. Dan ben je der n ketiertkee west en dat is tegenwoordig meer as zat veur ons.

Jan Medema & Lammert Jan Broekema